Dä Ein läuf em Hawaiihemp römm
dä Andre nur en schwazz
dä Eine schlööf em Wasserbett
dä Andre op ner Luffmatratz.
Dä Ein drink leever Wasser
un dä Andre leever Wing
die miehste stonn op Zärtlichkeite
Masochiste stonn op Ping.
Dä Ein freut sich op Weihnachte
un dä Andre op Karneval.
Dämm Ein sing Ühl
ess dämm Andre sing Naachtijall.
Dä eine fährt op Teckno aff
dä Andere op Rock'n Roll.
Während dä Ein sich völlig secher
ess
frööht sich dä Andre
wat dat soll.
Manch einer jläuv ahn Buddha
ming Oma nimmp dö Paps für voll.
Trotz allem schwört dä Will noch op
Karl Marx
ich kenne Lück
die wähle Helmut Kohl.
Dä Eine zeich jähn vill Jeföhl
un dä Andre blieht jähn kalt.
Dämm Ein sing Ühl
ess dämm Andre sing Naachtijall.
Dä Eine ess Zweckpessimist
un dä Andre nonchalant.
Während ich miehstens saare: "Jeht schon
klar!"
mohls du jähn Düüvel ahn de Wand.
't Salz en der Zupp sinn Jäjesätz
dat Zauberwoot heiß "Toleranz".
Om eezte Schild vum Ruusemoondaachszoch steht:
Jeck, loss Jeck elans!
Un noch 'ne Spruch ess bahl ald widder neu
ich kenn en sick'ner Ewigkeit:
Et jitt jrößer Leid,als wat der Minsch
sich selvs ahndeit.
Links
